Қазақстандық аралас жекпе-жек шебері және актер Еркебұлан Тоқтар (6-3) мен өзбекстандық файтер Одилхон Камолов (4-2) октагонда екінші рет кездесті. Бұл туралы KAZ.NUR.KZ тілшісі хабарлайды.
Octagon 56 турнирінің аясында өткен жекпе-жек жеңіл салмақ дәрежесінде болды. Үш раундқа созылған айқаста Еркебұлан Тоқтар төрешілердің шешімімен жеңіске жетті. Осылайша MMA-дағы мансабында жетінші жеңісіне ие болды. Ал Одилхон үшінші мәрте жеңіліске ұшырады.
Еске салайық, Еркебұлан Тоқтар мен Одилхон Камолов 2022 жылы Octagon 33 турнирінде кездескен еді. Бұл жекпе-жекте өзбекстандық файтер үшінші раундта ұтып кеткен болатын.
Cондай-ақ Еркебұлан мен Одилхон Octagon промоушенінің Youtube желісіндегі подкастында ерегесіп қалған еді. Дегенмен подкаст жүргізушісі оларды сабырға шақырып, төбелестің алдын алған.
Мақаланың түпнұсқасы: https://kaz.nur.kz/sport/mma/2065758-erkebulan-toqtar-ozbekstandyq-faiterden-ese-qaitardy/
