Қазақстандық аралас жекпе-жек шебері Жалғас Жұмағұлов АҚШ-тағы жаттығуын бастады. Бұл туралы KAZ.NUR.KZ тілшісі хабарлайды.
"Жако" Instagram желісіндегі ресми парақшасында АҚШ-тағы American Top Team залында түскен суретін жариялап, "мен осындамын" деп жазды.
Айта кетейік, қазақстандық файтер соңғы рет ақпанда жекпе-жекке шыққан еді. Ол Алматыда өткен Naiza 57 турнирінде Кливленд Маклинді төрешілердің шешімімен жеңді. Осы жекпе-жекте ол аяғын сындырып алып, кейін емделген еді.
Ал сәуірде Жұмағұлов UFC-ге қайта оралғысы келетінін мәлімдеген болатын.
"Жағдайым жақсы. Жарақатымнан айығып қалдым. Жақында АҚШ-қа аттанамын. Тамызда жекпе-жекке шыққым келеді. Саятпен (менеджер) сөйлестім. UFC-мен келіссөз жүргізіп жатырмын", - деген еді қазақстандық файтер Legalbet.kz сайтына берген сұхбатында.
Жұмағұлов UFC промоушенінде 2020-2023 жыл аралығында өнер көрсетті. Осы кезеңде ол 1 рет жеңіске жетсе, 6 мәрте жеңіліс тапты.
Мақаланың түпнұсқасы: https://kaz.nur.kz/sport/mma/2112093-ufc-ge-oralgysy-keletinin-aitqan-zhalgas-zhumagulov-aqsh-ta-zhattygu-zhiyndaryn-bastady-foto/
