UFC Шавкат Рахмонов өнер көрсететін дивизионның рейтингін жаңартты

UFC промоушенінің барлық салмақ дәрежесі бойынша рейтингтер жаңарды. Бұл туралы KAZ.NUR.KZ UFC-дің ресми сайтына сілтеме жасап хабарлайды.

Аралас жекпе-жекте әлі жеңілмеген қазақстандық жауынгер Шавкат Рахмонов өнер көрсететін жартылай орта салмақта үздік төрттіктен төмен қарай өзгерістер болды. Осы демалыс күндері Стивен Томсонды нокаутпен жеңген америкалық Хоакин Бакли 9-орынға көтерілді. Оның жеңілген қарсыласы 11-орынға төмендеді.

Тағы бір америкалық файтер Колби Ковингтон бір позицияны жоғалтып, жартылай орта салмақтағы рейтингте үздік бестіктен шығып қалды. Шон Брэди 5-орынға көтерілді.

UFC лигасының жартылай орта салмақ дәрежесіндегі үздік 10 файтер:

• Белал Мухаммад (АҚШ) – чемпион;
• 1. Леон Эдвардс (Ұлыбритания);
• 2. Камару Усман (США);
• 3. Шавкат Рахмонов (Қазақстан);
• 4. Джек Делла Маддалена (Аустралия);
• 5. Шон Брэди (АҚШ);
• 6. Колби Ковингтон (АҚШ);
• 7. Ян Гарри (Ұлыбритания);
• 8. Гилберт Бернс (Бразилия);
• 9. Хоакин Бакли (АҚШ);
• 10. Джефф Нил (АҚШ).