Шавкат Рахмонов АҚШ-қа аттанды: ол желтоқсанда чемпиондық жекпе-жегін өткізеді
Опубликовано:
UFC-дің жартылай орта салмақтағы жауынгері Шавкат Рахмонов чемпиондық жекпе-жегіне дайындалу үшін АҚШ-қа аттанды. Бұл туралы KAZ.NUR.KZ хабарлайды.
Өз мансабында жеңіліс таппаған қазақстандық файтер Шавкат Рахмонов UFC-дің жартылай орта салмақтағы чемпиондық титулы сарапқа салынатын жекпе-жекке дайындалу мақсатында АҚШ-қа аттанды. Бұл туралы DAR Pro Team жауынгерлік клубы Instagram желісіндегі ресми парақшасында мәлімдеді.
"Біздің командамыздың жауынгері Шавкат Рахмонов АҚШ-тағы Килклиф жаттығу базасына алдағы титулдық жекпе-жекке дайындалу мақсатында аттанды. Сәт сапар, Шавкат", - деп жазды DAR Pro Team жауынгерлік клубы.
Айта кетейік, Шавкат Рахмонов 7 желтоқсанда АҚШ-тың Лас-Вегас қаласында UFC 310 турнирінде жартылай орта салмақтағы чемпионы Белал Мухаммадқа қарсы кездесу өткізеді. Бұл жекпе-жек Шавкат Рахмонов үшін UFC-дегі жетінші кездесуі болмақ.
Сондай-ақ кеше, 23 қазанда Шавкат Рахмонов 30 жасқа толған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/mma/2178294-shavkat-rahmonov-aqsh-qa-attandy-ol-zheltoqsanda-chempiondyq-zhekpe-zhegin-otkizedi/