Шетелдік сарапшы: Шавкат Рахмоновтың қарсыласы кездесуден бас тартты

UFC-дің жартылай орта салмақтағы чемпионы Белал Мухаммад UFC 310 турниріндегі жекпе-жектен бас тартты. Бұл туралы KAZ.NUR.KZ хабарлайды.

Аустралиялық инсайдер Брэндон Брэдфорд Х желісіндегі ресми парақшасында Белал Мухаммад (24-3) қазақстандық файтер Шавкат Рахмоновқа (18-0) қарсы кездесуден бас тартқаны туралы айтты.

"UFC 310 турниріне жаңа басты жекпе-жек қажет болса, бұл мүмкіндікті пайдалануға дайын бір жігіт бар екенін білемін", - деп Брэндон Брэдфорд қазақстандық файтер Шавкат Рахмоновтың жаңа қарсыласы ретінде Алекс Перейраның видеосын жариялады.

Сондай-ақ шетелдік инсайдер бұл ақпарат нақтыланған кезде UFC Шавкат Рахмоновқа жаңа қарсылас тауып беретінін жеткізді.

Айта кетейік, Шавкат Рахмонов 7 желтоқсанда АҚШ-тың Лас-Вегас қаласында UFC 310 турнирінде жартылай орта салмақтағы чемпионы Белал Мухаммадқа қарсы кездесу өткізуі керек болған.

Мәтіннен қате тапсаңыз, бізге жазыңыз