Қазақстандық жауынгер Шавкат Рахмонов (18-0) ирландиялық файтер Иэн Гэрримен (15-0) UFC 310 турнирінде өтетін жекпе-жегі алдында мәлімдеме жасады. бұл туралы KAZ.NUR.KZ қазақстандық спортшының Instagram желісіндегі ресми парақшасына сілтеме жасап хабарлайды.
"Шавкат келесі жеңіске бет алды", - деп жазып, жаттығу барысынан бірнеше суретін жариялады.
Сондай-ақ DAR PRO TEAM командасының Instagram желісіндегі ресми парақшасында қазақстандық файтер Шавкат Рахмонов пен Иэн Мачадо Гэрридің бір жаттығу залында дайындалып жатқан видеосы жарияланған болатын.
Айта кетейік, қазақстандық жауынгер Шавкат Рахмонов 7 желтоқсанда Лас-Вегаста UFC 310 турнирінде ирландиялық файтер Иэн Мачадо Гэрримен жекпе-жек өткізеді.
Шавкат Рахмонов – Иэн Гарри жекпе-жегінің жеңімпазы UFC чемпионы Белал Мухаммадтың келесі қарсыласы болады.
Қазақстандық файтер Шавкат Рахмонов соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Шавкат MMA-да 18 рет, UFC-де 6 рет жеңіске жеткен.
Ал 27 жастағы Иэн Гэрри өз мансабында 19 жекпе-жек өткізіп, бәрінде жеңіске жеткен. Ол соңғы рет 29 маусымда Майкл Пейджді төрешілердің бірыңғай шешімімен жеңді.
Мақаланың түпнұсқасы: https://kaz.nur.kz/sport/mma/2189921-shavkat-rahmonov-ufc-degi-zhekpe-zhegi-aldynda-mangyzdy-malimdeme-zhasady/
