"Бір-бірін жақсы таниды": желіде Шавкаттың Иэн Гэрримен бірге спарринг өткізген видеосы тарады

DAR PRO TEAM командасының Instagram желісіндегі ресми парақшасында қазақстандық файтер Шавкат Рахмонов пен Иэн Мачадо Гэрридің бір жаттығу залында дайындалып жатқан видеосы жарияланды. Бұл туралы KAZ.NUR.KZ хабарлайды.

Қазақстандық жауынгер Шавкат Рахмонов 7 желтоқсанда Лас-Вегаста UFC 310 турнирінде ирландиялық файтер Иэн Мачадо Гэрримен жекпе-жек өткізеді.

Бұған дейін жауынгерлер Kill Cliff жаттығу залында бірге жаттығу өткізген.

"Шавкат Рахмонов пен Ян Гарри бір-бірін жақсы таниды! Біраз уақыт олар Kill Cliff залында бірге жаттығып, спарринг өтікзіп үлгерген болатын. Ресейлік жауынгер Абдулазиз Дацилаев (5-0) Рахмоновтың Гарриді ниндзя-чоумен тұншықтырғанын өз көзімен көргенін мәлімдеген болатын", - делінген DAR PRO TEAM командасының Instagram желісіндегі ресми парқшасында жарияланған видеоның сипаттамасында.

Айта кетейік, мұнда UFC-дің жартылай орта салмақтағы бұрынғы чемпионы Камару Усман да жаттығады.

Шавкта Рахмонов – Иэн Гарри жекпе-жегінің жеңімпазы UFC чемпионы Белал Мухаммадтың келесі қарсыласы болады.

Мәтіннен қате тапсаңыз, бізге жазыңыз