Жеңіліп көрмеген қос UFC файтері қазақстандық Шавкат Рахмонов пен Ирландия спортшысы Иэн Гэрри жекпе-жек алдында көз түйістірді. Бұл туралы KAZ.NUR.KZ хабарлайды.
Лас-Вегаста (АҚШ) өтетін UFC 310 турнирі алдындағы баспасөз мәслихатында Шавкат Рахмонов пен Иэн Гэрри көз түйістіру рәсімін өткізді. Бұл сәттің видеосын UFC промоушенінің президенті Дана Уайт Instagram-дағы парақшасында жариялады.
Айта кетейік, Рахмонов пен Гэрри арасындағы жекпе-жек 8 желтоқсанда таңертең UFC 310 турнирінде болады. Олардың бәсекесі 5 раундқа жоспарланған. Екеуі де бұған дейін аралас жекпе-жекте мүлде жеңіліп көрмеген. Гэрридің рекорды – 15-0 болса, Рахмоновтікі – 18-0.
Қазақстандық файтер соңғы рет 2023 жылдың желтоқсанында жекпе-жек өткізіп, америкалық Стивен Томпсонды екінші раундта техникалық нокаутпен жеңген болатын. Ал Иэн Гэрри үшін алдағы кездесу оның биылғы үшінші жекпе-жегі болмақ. Ол ақпанда америкалық Джефф Нилді, ал маусымда британиялық Майкл Пэйджді төрешілердің бірыңғай шешімімен жеңген еді.
Мақаланың түпнұсқасы: https://kaz.nur.kz/sport/mma/2196939-shavkat-rahmonov-pen-ien-gerri-zhekpe-zhek-aldynda-koz-tuiistirdi-video/
