Қазақстандық файтер Шавкат Рахмонов UFC-дің жартылай орта салмақтағы жаңа рейтингінде бір сатыға көтерілді. Бұл туралы KAZ.NUR.KZ хабарлайды.
Шавкат Рахмонов жаңа рейтингте дивизионның бұрынғы чемпионы Камару Усманды басып озып, екінші орынға шықты. Қазір Рахмонов тек жартылай орта салмақтағы UFC белбеуінің иегері Белал Мухаммад пен британиялық Леон Эдвардстан төмен тұр.
Жаңартылған рейтингте Шавкат Рахмоновтың бұрынғы қарсыластарының да орындары өзгерді. Джефф Нил оныншы позицияға көтерілсе, Стивен Томпсон он бірінші орынға табан тіреді.
Еске салайық, Шавкат Рахмонов 8 желтоқсанда АҚШ-тың Лас-Вегас қаласында өткен UFC 310 турнирінде ирландиялық файтер Иэн Мачадо Гэрримен жекпе-жекке шығып, қарсыласынан төрешілердің бірыңғай шешімімен басым түскен еді. Бұл оның аралас жекпе-жектегі 19, ал UFC-дегі 7-жеңісі болды.
Мақаланың түпнұсқасы: https://kaz.nur.kz/sport/mma/2199507-resmi-shavkat-rahmonov-kezekti-zhengisinen-song-ufc-reitinginde-koterildi/
