Семейде өткен ММА турнирі барысында қазақстандық аралас жекпе-жек жұлдыздары Шавкат Рахмонов пен Асу Алмабаевқа бағалы сыйлықтар табысталды. Бұл туралы KAZ.NUR.KZ хабарлайды.
Қазақстандық аралас жекпе-жектің танымал өкілдері Шавкат Рахмонов пен Асу Алмабаев Семейге ММА турниріне барған. "Найза" лигасының жетекшісі Нұрбек Қарабала өзінің Instagram-дағы парақшасында оларға тосын сый жасалғанын мәлімдеді.
"Семей қаласының кәсіпкерлері Шавкат пен Асуға бір-бір көлік сыйлады", - деп жазды Нұрбек Қарабала әлеуметтік желіде.
Жақында Шавкат Рахмонов АҚШ-та өткен жекпе-жекте төрешілер шешімі бойынша жеңіске жеткен еді. Отандық файтер сол жолы өзінің спорттық мансабында рекордтық гонорарға қол жеткізді – 1 млн АҚШ долларынан астам табыс тапты.
Бұған дейін Шавкат Рахмоновтың өзі бапкері Баян Жанғаловқа автокөлік сыйлағанын жазған болатынбыз. Жанғаловтың жетекшілігімен Рахмонов MMA-дан әуесқойлар арасында әлем чемпионы атанды, M-1 Global лигасында чемпион атағын жеңіп алды және UFC-де өнер көрсете бастады.
Мақаланың түпнұсқасы: https://kaz.nur.kz/sport/mma/2203203-semei-kasipkerleri-shavkat-rahmonov-pen-asu-almabaevqa-kolik-syilady/
