Шетелдік сарапшылар ММА спортының 2024 жылдың үздік файтерін анықтады

MMA Fighting басылымы 2024 жылдың ең үздік аралас жекпе-жек шеберін атады. Бұл туралы KAZ.NUR.KZ тілшісі хабарлайды.

Жылдың үздігі ретінде UFC жартылай жеңіл салмақ дәрежесінің чемпионы Илия Топурия (16-0) танылды. Грузиялық файтер биыл екі жекпе-жек өткізіп, екеуінде де айқын жеңіске жетті: ақпанда австралиялық Алекс Волкановскиді (26-4) екінші раундта нокаутқа жіберсе, қазанда америкалық Макс Холлоуэйді (26-8) үшінші раундта мерзімінен бұрын жеңді.

Қазақстандық файтерлер арасында ең танымал спортшы — Шавкат Рахмонов (19-0). Желтоқсанда Рахмонов ирландиялық Иэн Гэрриді (15-1) төрешілер шешімімен жеңді.

Айта кетейік, енді ол келесі жекпе-жегін жартылай орта салмақтағы чемпиондық белбеу үшін америкалық Белал Мұхаммадқа (24-3) қарсы өткізуі мүмкін.