Шавкат Рахмонов UFC-ден кеткені рас па: спортшы болашағына қатысты қауесеттерге жауап берді

Қазақстандық аралас жекпе-жек шебері Шавкат Рахмонов желіде жазба жариялап, өзінің UFC-ден кеткені туралы жаңалықты жоққа шығарды. Бұл туралы KAZ.NUR.KZ хабарлайды.

Рахмонов Х әлеуметтік желісінде көптің көкейінде жүрген сұраққа жауап берді. Ол өзінің болашағына қатысты айтылып жатқан қауесеттер шындыққа жанаспайтынын айтып, жанкүйерлерін қуантты.

Оған қоса аралас жекпе-жек жұлдызы жақын арада сегізбұрышқа оралатынын хабарлады.

"Күнде жаттығу жасап, бар күшімді салып жатырмын. Жақын арада ораламын. Октагонға қайта шығатын күнді асыға күтудемін", - деп жазды Шавкат Рахмонов.

Айта кетейік, бұған дейін бірқатар шетелдік басылым Рахмоновтың UFC-ден кеткенін хабарлаған болатын. Алайда кейін спортшының командасы бұл ақпаратты жоққа шығарған еді.

Мәтіннен қате тапсаңыз, бізге жазыңыз