29 шілдеде Әбілхан Аманқұл мен Қамшыбек Қоңқабаев Олимпиадада шаршы алаңға шығады

29 шілдеге арналған қазақстандық спортшылардың жарыс кестесі шықты деп жазады KAZ.NUR.KZ тілшісі.

Ертең біздің олимпиадашылар спорттың бес түрі бойынша сынға түседі. Еліміздің теннисшісі Елена Рыбакина финалға жолдама алуға тырысады. Оның қарсыласы Швейцария өкілі Белинда Бенчич.

Сонымен бірге Олимпиада-2020 төрінде боксшыларымыз Әбілхан Аманқұл мен Қамшыбек Қоңқабаев бақ сынайды.

29 шілдеге арналған қазақстандық спортшылардың жарыс кестесі:

Су добы

08:30. Ерлер

Қазақстан - Испания

Академиялық есу

08:50. Ерлер. Жартылай финал С/D

Владислав Яковлев

Теннис

12:00 Әйелдер. Жартылай финал

Елена Рыбакина - Белинда Бенчич (Швейцария)

Садақ ату

14:15. Ерлер. Жеке сайыс. Бірінші айналым

Ильфат Абдуллин - Джеймс Вудгейт (Ұлыбритания)

Бокс

14:15. Ерлер. 76 келіге дейінгі салмақ. 1/8 финал

Әбілхан Аманқұл - Фанат Кахрамонов (Өзбекстан)

15:50. Ерлер. 91 келіден жоғары. 1/8 финал

Қамшыбек Қоңқабаев - Резк Мустафа Хафез (Мысыр)

Еске сала кетейік, әзірге Қазақстан қоржынында Токио олимпиадасының үш қола жүлдесі бар. Медальдің бірін дзюдошы Елдос Сметов алса, тағы екеуін зілтеміршілер Игорь Сон мен Зүлфия Чиншанло иеленді.

Мәтіннен қате тапсаңыз, бізге жазыңыз