Қысқы Универсиада: Вадим Куралес алғашқы алтынды сыйлады

АҚШ-тың Лэйк-Плэсид қаласында өтіп жатқан қысқы Универсиада ойындарында Қазақстан қоржынына алғашқы медаль түсті, деп хабарлайды KAZ.NUR.KZ.

Биатлоннан 15 шақырымға жарысудан баққ сынаған Вадим алтын жүлдегер атанды. Ол барлық оғын дөп тигізіп, 42:37.4 уақыт көрсеткішінде мәреге бірінші болып жетті.

Күміс медальді норвегиялық Эрьян Мосенг (+42.6), қоланы франциялық Аксель Гарнье (+1:16.5) жеңіп алды.

Осы жарыста бақ сынаған тағы бір қазақстандық биатлоншы Александр Мухин алтыншы орынға тұрақтады.

Айта кетелік, хоккейден Қазақстан құрамасы да Универсиаданы сәтті бастады. Отандық хоккейшілер топтық кезеңде Оңтүстік Кореяны 5:1, Венгрияны 9:1 есебімен жеңген.

Универсиада 12 қаңтарда басталды.

Мәтіннен қате тапсаңыз, бізге жазыңыз