Қазақстандық мергендер финалдық кезеңге шыға алмады
Опубликовано:
Қазақстандық мергендер Париж Олимпиадасы аясында винтовкадан оқу атудан іріктеу сынына қатысты. Бұл туралы KAZ.NUR.KZ тілшісі хабарлайды.
Үш позицияда винтовкадан оқу ату (50 м) бәсекесінің іріктеу кезеңіне Қазақстан атынан Ислам Сәтпаев пен Константин Малиновский қатысты. Аталмыш сайысқа 41 мерген қатысқан болатын. Ақтық сынға үздік шыққан 8 спортшы шығады.
Бәсекенің қорытындысы бойынша Ислам Сәтпаев (588-24х) 18-орынға тұрақтаса, Константин Малиновский (586-29х) 25-сатыны місе тұтты.
Қазақстандық спортшы Ислам Сәтпаев Олимпиаданың бірінші күнінде Александра Лемен бірге командалық аралас дуэтте қола медаль жеңіп алған.
Айта кетейік, Франция астанасы Париждегі ХХХІІІ жазғы Олимпиада ойындары 11 тамызға дейін өз жалғасын табады. Қазіргі уақытта ел қоржынында 1 алтын, 2 қола жүлде бар.
- "Бұл жағдай жүрегіме өте қатты тиді": Олимпиадаға қатыса алмаған Елена Рыбакина мәлімдеме жасады
- "Ол біреудің бапкері ме": танымал журналист Парижге Қазақстан делегациясымен барған Головкиннің ұлына шүйлікті
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2142427-qazaqstandyq-mergender-finaldyq-kezengge-shyga-almady/