Олимпиада-2024: Айдос Сұлтанғали қырғыз балуанына есе жіберді

Грек-рим күресінен Қазақстан құрамасының мүшесі Айдос Сұлтанғали Париж Олимпиадасында алғашқы белдесуінде жеңіліп қалды. Бұл туралы KAZ.NUR.KZ тілшісі хабарлайды.

Айдос Сұлтанғали 1/8 финалда Қырғызстан спортшысы Жоламан Шаршенбековпен күресті. 60 кг салмақ дәрежесінде өткен белдесуде қазақстандық балуан 6:3 есебімен жеңіліп қалды. Жоламан финалға шығатын болса, Айдос жұбаныш белдесуіне қатысуға мүмкіндік алады.

Айдос Сұлтанғали – әлем чемпионатының екі дүркін қола жүлдегері, Азия чемпионы. Ал Жоламан Шаршенбеков – екі дүркін әлем чемпионы, Азия ойындарының жеңімпазы, Азияның үш дүркін чемпионы.

Осыған дейін қазақстандық балуан Әлімхан Сыздықов Олимпиаданың ширек финалына шыққан еді.

Әзірге Қазақстан қоржынында Париж Олимпиадасының 1 алтын, 1 күміс, 2 қола жүлдесі бар. Төрт жылдықтың басты бәсекесі 11 тамызға дейін болады

Мәтіннен қате тапсаңыз, бізге жазыңыз