Қазақстандық таеквондошылардың алғашқы қарсыластары белгілі болды
Опубликовано:
Франция астанасы Парижде өтіп жатқан жазғы Олимпиада ойындарында Қазақстан атынан сынға түсетін таеквондошылардың алғашқы қарсыластары белгілі болды. Бұл туралы KAZ.NUR.KZ хабарлайды.
- Парижде өтетін жазғы Олимпиада ойындарында Қазақстан атынан қатысатын таеквондошылардың алғашқы қарсыластары анықталды.
- 58 кг салмақта Самирхон Абабакиров италиялық Вито Делль'аквиламен, ал 80 кг салмақта Батырхан Төлеуғали Мали спортшысы Исмаэль Кулибалимен күш сынасады.
- Батырхан Төлеуғали Қазақстаннан Париж Олимпиадасына жолдама алған ең жас спортшы болып табылады.
58 кг салмақта бақ сынайтын қазақстандық таеквондошы Самирхон Абабакиров алғашқы айналымда италиялық Вито Делль'аквиламен шеберлік байқасады. Кездесу ертең, 7 тамызда сағат 15:37-де басталады.
Самирхон – G1 турнирлерінің бірнеше дүркін жеңімпазы, Қазақстан Кубогы мен VI жазғы Спартакиада ойындарында топ жарған.
Вито – осы салмақта Токио Олимпиадасында алтын жүлде иеленген, әлем чемпионатында топ жарған және қола жүлдесін еншілеген.Сондай-ақ италиялық таеквондошы Еуропа чемпионы, Гран-при турнирлерінің чемпионы деген атақтары бар.
80 кг салмақта ел намысын қорғайтын Батырхан Төлеуғали Мали спортшысы Исмаэль Кулибалимен сынға түседі. Қазақстандық таеквондошының қарсыласы әлем чемпионатының 2 дүркін қола жүлдегері атанған. Кездесу 9 тамызда сағат 12:00-де басталады.
Айта кетейік, Батырхан Төлеуғали Қазақстаннан Париж Олимпиадасына жолдама жеңіп алған ең жас спортшы. Таеквондошы өткен айда 18 жасқа толды.
- Қазақстандық каноэшілер Олимпиаданың жартылай финалына тікелей жолдама ала алмады
- Қазақстандық жеңіл атлет дисквалификация алып жарыстан шеттетілді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2145195-qazaqstandyq-taekvondoshylardyng-algashqy-qarsylastary-belgili-boldy/