Назым Қызайбай Олимпиада ойындарының қола жүлдегері атанды
Опубликовано:
Назым Қызайбай Франция астанасы Парижде өтіп жатқан Олимпиада ойындары аясында бокс бәсекесінің жартылай финалында бақ сынады. Бұл туралы KAZ.NUR.KZ хабарлайды.
Назым Қызайбай жартылай финалда Қытай спортшысы Ву Юмен кездесті. Нәтижесінде Назым Қызайбай бұл жекпе-жекте 4:1 есебімен жеңіліс тауып, Париж Олимпиадасының қола жүлдегері атанды.
Қытайлық боксшы Ву Ю Азия ойындарында топ жарған, сондай-ақ әлем чемпионы атанған тәжірибелі боксшы.
Назым Қызайбай үшін бұл алғашқы Олимпиада. Қазақстандық боксшы бұған дейін әлем чемпионатында екі мәрте алтын алып, бір мәрте қола медаль еншілеген. Сонымен бірге Азия чемпионы атанған.
Сондай-ақ тағы бір қазақстандық боксшы Нұрбек Оралбай 80 кг дейінгі салмақ дәрежесінде украиналық Александр Хижнякпен финалда кездеседі. Жекпе-жек 7 тамыздан 8 тамызға қараған түні сағат 01:51-де өтеді.
Айта кетейік, қазіргі уақытта ел қоржынында 1 алтын, 1 күміс, 3 қола медаль бар.
- Нора Джеруто Париж Олимпиадасының жүлдесін еншілей алмады
- Демеу Жадыраев Париж Олимпиадасының финалына шықты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2145451-nazym-qyzaibai-olimpiada-oiyndarynyng-qola-zhuldegeri-atandy/