Париж Олимпиадасы: қазақстандық спортшы рейтингтік раундта 35-орын алды
Опубликовано:
Қазақстандық спортшы Георгий Борода-Дудочкин Париж Олимпиадасында қазіргі бессайыс аясында семсерлесу сынынан рейтингтік раундқа қатысты. Бұл туралы KAZ.NUR.KZ тілшісі хабарлайды.
Георгий Борода-Дудочкин 36 спортшының ішінде 35-орынға тұрақтады. Ол 10 рет жеңсе, 25 мәрте жеңіліп, 175 ұпай жинады. Ертең қазақстандық спортшы жартылай финалды А тобында көш басындағы мысырлық қарсыласымен бірге бастайды.
Спортшылар ертең 200 метрге еркін әдіспен жүзу, конкур (атпен шабу) және лазер-ран (жүгіру, оқ ату) бойынша бақ сынайды.
Айта кетейік, Георгий Борода-Дудочкин 2023 жылы Ханчжоуда өткен ХІХ жазғы Азия ойындарында Париж Олимпиадасының жолдамасын иеленген еді. Ол финалда 10-орынға тұрақтаған болатын.
Әзірге Қазақстан қоржынында Париж Олимпиадасының 1 алтын, 3 күміс, 3 қола жүлдесі бар. Төрт жылдықтың басты бәсекесі 11 тамызға дейін жалғасады.
- Париж-2024: қазақстандық каноэшілер B финалында мәреге үшінші болып жетті
- Рекорд жаңартқан қазақстандық спортшы Олимпиаданың жартылай финалына өте алмады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2146332-parizh-olimpiadasy-qazaqstandyq-sportshy-reitingtik-raundta-35-oryn-aldy/