Париж-2024: қазақстандық велоспортшы өз тобында мәреге бесінші болып жетті
Опубликовано:
Қазақстандық велоспортшы Андрей Чугай Париж Олимпиадасында тректегі велоспорттан кейрин бағдарламасы бойынша іріктеу кезеңінде сынға түсті. Бұл туралы KAZ.NUR.KZ тілшісі хабарлайды.
Андрей Чугай өз тобында бесінші орын алды. Ал әр топтан үздік нәтиже көрсеткен екі спортшы ширек финалға тікелей жолдама алды. Енді қазақстандық велошабандоз жұбаныш кезеңінде бақ сынайды.
Еске сала кетсек, Андрей Чугай Париж Олимпиадасында спринт бағдарламасында да сынға түскен болатын. Бұл сайыстың 1/32 финалына өту үшін 30 спортшының ішінде үздік 24 велотрекшінің қатарына кіру керек еді. Алайда қазақстандық спортшы мәреге 10,047 секундта жетіп, ең соңғы, 30-орынға жайғасты.
Сондай-ақ қазақстандық велошабандоздар Алексей Луценко мен Евгений Федоров Париж Олимпиадасында командалық сынға қатысқан еді. Луценко жарысты 52-орынмен аяқтаса, Федоров мәреге жете алмады.
- Қазақстандық брейкдансер Париж Олимпиадасында алғашқы жеңісіне қол жеткізді
- Олимпиадада бақ сынап жатқан тұңғыш қазақстандық брейкдансер бірінші батлын өткізді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2147295-parizh-2024-qazaqstandyq-velosportshy-shirek-finalga-shyga-almady/