Қазақстандық брейкдансер Париж Олимпиадасында алғашқы жеңісіне қол жеткізді
Опубликовано:
Олимпиада ойындарында брейкингтен Қазақстан намысын қорғап жатқан тұңғыш би-бой Әмір Зәкіров топтық кезеңдегі екінші батлында жеңіске жетті. Бұл туралы KAZ.NUR.KZ тілшісі хабарлайды.
Әмір Зәкіров D тобындағы екінші батлында Billy-ді (Марокко) айқын басымдықпен жеңді. Есеп: 2-0 (7-2, 8-1). Енді қазақстандық би-бой Quake (Қытайдың Тайпейі) лақап атымен белгілі брейкдансермен сайысады.
Айта кетейік, Әмір Зәкіров Париж Олимпиадасындағы алғашқы батлында Menno есімді Нидерланд өкілімен кездескен еді. Бұл бәсекеде Әмір 0:2 (1:17) есебімен есе жіберген болатын.
Брейкинг биыл алғаш рет Олимпиада бағдарламасына енді. Осылайша, Зәкіров Олимпиада ойындарында брейкингтен Қазақстан намысын қорғап жатқан алғашқы спортшы атанып отыр.
- Олимпиадада бақ сынап жатқан тұңғыш қазақстандық брейкдансер бірінші батлын өткізді
- Әлішер Ерғали ширек финалда әлем чемпионына есе жіберді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2147298-qazaqstandyq-breikdanser-parizh-olimpiadasynda-algashqy-zhengisine-qol-zhetkizdi/