
V Дүниежүзілік көшпенділер ойындарының алғашқы жарыс күнінде спортшылар жамбы ату спортының мажар стилінен жеңімпаздар белгілі болды. Бәсекеде франция өкілі алтыннан алқа тақты, деп жазады KAZ.NUR.KZ "Ұлттық және ат спорты түрлері орталығының" баспасөз қызметіне сілтеме жасап.
Жамбы ату сайысына 27 мемлекеттен 78 спортшы қатысып жатыр. Спортшылар 11 топқа бөлініп, өз тобынан мықтылар бақ сынады.
Жарыс нәтижесі бойынша Франция құрамасының спортшысы Raphael Malet Көшпенділер ойындарының алғашқы алтын медаліне ие болды. Күміс жүлдені Моңғолия Altankhuyag Nergui иеленді. Ал қола медаль Франция елінен Gaëtan Blot алды.
Ұлттық құрама мүшесі Абзал Тұлыбеков үздік бестікке қатарына енді.
"Мажар стилінің ерекшелігі – спортшы атпен жылдамырақ шауып, нысанаға көп оқ тигізу керек. Жебе санына шектеу жоқ. Қазақстан дирекциясы барлығын атпен қамтамасыз етті. Тоқсанға жуық атты дайындадық. Көшпенділер ойындары болғандықтан көп қатысушы келді. Көшпенділер ойындарына ұлттық құрама спортшылары үш ай дайындалды. Жыл басынан бері төрт оқу-жаттығу жинын өткіздік. Әр спортшыға жеке тактика әзірледік", - деді Жамбы атудан Қазақстан ұлттық құрамасының бас бапкері Елдос Бадашев.
Айта кестек, Қазақстан құрамасы сапында Айтбек Сарыбай, Ералхан Айкөз, Батыр Бексауыт, Абзал Тулыбеков өнер көрсетті. Спортшыларымыз бұған дейін Әлем, Еуропа чемпионаттарында жүлделі орындарды иемденген.
Спортшыларымыз алдағы үш күн 3 стиль (азия, түрік, қазақ) бойынша бақ сынасатын болады.
Еске сала кетсек, Астанада 8-13 қыркүйек аралығында өтетін дүбірлі додаға әлемнің 89 елінен 2430 спортшы қатысады. Қазақстан құрамасынан 261 спортшы бақ сынайды. Көшпенділер ойындарында 21 спорт түрі бойынша 97 медаль жиынтығы сарапқа салынады. Медальдің жалпы саны – 581 дана.
Мақаланың түпнұсқасы: https://kaz.nur.kz/sport/olympiad/2158890-duniezhuzilik-koshpendiler-oiyny-basekening-algashqy-altynyn-qai-elding-sportshysy-aldy/