"Кішкентай кезімнен армандайтынмын": Назым Қызайбай әкесіне жаңа көлік сыйлады (видео)

Бокстан Париж Олимпиадасының қола жүлдегері Назым Қызайбай әкесіне су жаңа көлік мінгізді. Бұл туралы KAZ.NUR.KZ хабарлайды.

Назым Қызайбай TikTok желісіндегі парақшасында видео жариялап, әкесіне сыйға тартқан темір тұлпарды көрсетті.

"Кішкентай кезімнен әкеме көлік алып беруді армандайтынмын. Жаңа жыл алдындағы екінші көлігі болып отыр. Бұл жолы су жаңа көлікті алғаш рет мінді. Армандарымыз орындала берсін", - деп жазды боксшы.

Айта кетейік, Назым Қызайбай Париж Олимпиадасының жартылай финалында Қытай спортшысы Ву Юдан жеңіліп, қола жүлдегер атанған еді. Cондай-ақ ол екі дүркін әлем чемпионы.

2024 жылдың соңында Назым Қызайбай 48 кг салмақ дәрежесінде Қазақстан чемпионы болды. Оның финалдағы қарсыласы Ақбота Болат жарақат алып қалып, шаршы алаңа шықпаған соң жеңіс Назым Қызайбаға берілді.

Мәтіннен қате тапсаңыз, бізге жазыңыз