Италияда өтіп жатқан Универсиадада биатлоннан ерлер арасында 15 шақырым қашықтықта алғашқы медальдар жинағы сарапқа салынды, деп хабарлайды KAZ.NUR.KZ тілшісі.
Бұл қашықтық бойынша жекелей жарыста 41 спортшы сынға түсті. Қазақстаннан төрт биатлоншы қатысты: Кирилл Бауер, Никита Акимов, Ержанат Қуандық және Вадим Куралес.
Қашықтықтың қорытындысында үздік нәтижені алтыншы болып мәреге жеткен Никита Акимов көрсетті. Кирилл Бауер жарысты 11-орынмен аяқтады. Оның соңынан Ержанат Қуандық 12-орынға жайғасты, ал соңғы Универсиада жеңімпазы Вадим Куралес 15-орынға жайғасты.
Бұл қашықтықтың чемпионы Украина өкілі Богдан Борковский болды.
Мақаланың түпнұсқасы: https://kaz.nur.kz/sport/olympiad/2211555-qazaqstandyq-biatlonshylar-2025-zhylgy-universiadada-zhuldege-qol-zhetkize-almady/
