Олимпиада-2026: Надежда Морозова үздік 15 спортшының қатарына енді

Италияда өтіп жатқан 2026 жылғы Олимпиада ойындарында конькимен жүгіру жарыстарына Қазақстан ұлттық құрамасының өкілдері қатысты, деп хабарлайды KAZ.NUR.KZ Қазақстан Ұлттық Олимпиадалық комитетіне сілтеме жасап.

9 ақпанда әйелдер арасында 1000 метр қашықтықта медальдар сарапқа салынды. Бұл сайысқа Қазақстан атынан үш спортшы қатысты.

Отандастарымыздың ішінде ең үздік нәтиже көрсеткен — Надежда Морозова. Ол 1:16.00 уақытта мәреге жетіп, жалпы есепте 14-орынға тұрақтады.

Елизавета Голубева 1:16.40 уақытта мәреге жетіп, 19-орынға ие болды. Ал Кристина Силаева 1:17.57 уақытта мәреге жетіп, 28-орынға жайғасты.

Нидерланд спортшысы Ютта Лердам Олимпиада рекордын жаңартып, алтын медаль жеңіп алды - 1:12.31. Күміс жүлде Фемке Кокқа (Нидерланд) бұйырды - 1:12.59. Қола медальді жапониялық Михо Такаги иеленді - 1:13.95.

Мәтіннен қате тапсаңыз, бізге жазыңыз