Фристайл шебері Аяна Жолдас Олимпиада ойындарының финалына шыға алмады

Фристайл-акробатикадан ұлттық құрама өкілі Аяна Жолдас қысқы Олимпиаданың финалына өте алмады. Бұл туралы Спортты дамыту дирекциясының баспасөз қызметіне сілтеме жасаған KAZ.NUR.KZ хабарлайды.

Италияның Ливиньо тау-шаңғы курортында XXV қысқы олимпия ойындарының фристайл-акробатикадан әйелдер арасындағы іріктеу кезеңі мәресіне жетті.

Бұл сында IX қысқы Азия ойындарының бірнеше дүркін жүлдегері Аяна Жолдас өнер көрсетті. Спортшының екі іріктеу кезеңі бойынша ең жоғары ұпайы – 61.11 балл. Осылайша, ол жалпы есепте 21-орынға ие болып, үздік 12 спортшының қатарына кіре алмады.

Бұл – 24 жастағы ұлттық құрама спортшысы қатысып жатқан екінші Олимпиада. Аяна Жолдас 2018 жылы Пхёнчхан ойындарында 24-сатыдан көрінген.

Айта кетейік, финалға алғашқы іріктеуде үздік 6, екінші кезеңде көп ұпай жинаған тағы 6 фристайл шебері жолдама алды. Финал-1 бүгін Астана уақытымен сағат 17:00-де басталады. Ол жерде 12 спортшының алтауы үлкен финалға шығады.

Ерлер арасындағы квалификация 19 ақпанға жоспарланған.

Мәтіннен қате тапсаңыз, бізге жазыңыз