"Тағы да Беларусь өкілі": Елена Рыбакинаның финалдағы қарсыласы анықталды

Теннистен 2023 жылғы Австралия ашық біріншілігінің финалында қазақстандық Елена Рыбакинаның кіммен ойнайтыны белгілі болды, деп хабарлайды KAZ.NUR.KZ тілшісі.

Ақтық сында қазақстандық теннисші Беларусь елінің өкілі Арина Соболенкоға қарсы шығады.

Екінші жартылай финалдық кездесуде Соболенко польшалық Магда Линетті 7:6, 6:2 есебімен жеңіп, финалға жолдама алды.

Бұған дейін Елена Рыбакина тағы бір белоруссиялық спортшы Виктория Азаренконы екі партия қорытындысы бойынша жеңген болатын.

Жартылай финалдық кездесулер алдында Арина Соболенко ақтық сында Виктория Азаренкомен кездескісі келетінін айтқан.

Финалдық матч 28 қаңтарға жоспарланған.

Мәтіннен қате тапсаңыз, бізге жазыңыз