Новак Джокович Australian Open-2023 турнирінің жеңімпазы атанды, деп хабарлайды KAZ.NUR.KZ тілшісі.
Сербиялық теннисші Аустралия ашық біріншілігінің финалында Грекия өкілі Стефанос Циципаспен шеберлік байқасты.
Тартысты өткен матчта Новак Джокович 6:3, 7:6 (7:4), 7:6 (7:5) есебімен қарсыласынан басым түсті.
Осылайша, сербиялық теннисші оныншы рет Аустралия ашық біріншілігінің жеңімпазы атанып отыр.
Сонымен қатар Новак Джокович "Үлкен дулыға" турнирін 22 мәрте ұтып, испаниялық Рафаэль Надальмен теңесті.
Мақаланың түпнұсқасы: https://kaz.nur.kz/sport/other-sports/2007233-novak-dzokovic-australiya-asyq-birinsiliginin-zenimpazy-atandy/
