Шорт-тректен Қазақстан командасының мүшесі Денис Никиша шорт-тректен әлем кубогі кезеңдерінің қорытындысы бойынша жеңіске жетті, деп хабарлайды KAZ.NUR.KZ.
Халықаралық конькимен жүгірушілер федерациясы (ISU) шорт-тректен әлем кубогі кезеңдерінің қорытындысын жариялады.
500 метрге жарысудан қазақстандық Денис Никиша топ жарды. Оның еншісінде 402 ұпай бар.
Бейжің Олимпиадасының жүлдегері, канадалық Стивен Дюбо 348 ұпаймен екінші орында. Ал үздік үштікті польшалық спортшы түйіндеген.
Осы қашықтықта бақ сынаған тағы бір қазақстандық спортшы Абзал Әжіғалиев 228 ұпаймен сегізінші орында тұр.
Мақаланың түпнұсқасы: https://kaz.nur.kz/sport/other-sports/2009107-denis-nikisa-tarixi-natizemen-alem-kuboginin-zalpy-esebinde-kos-bastady/
