Болат Сақаев өзбекстандық Олимпиада жүлдегерін жеңіп, Азия чемпионы атанды
Опубликовано:
Еркін күрестен Қазақстан командасының қоржыны тағы бір алтынмен толықты. 79 келідегі Болат Сақаев Азия чемпионатында топ жарды, деп хабарлайды KAZ.NUR.KZ.
Болат Сақаев финалда Өзбекстан күресінің жарық жұлдызы, әлем чемпионаты мен Токио Олимпиадасының қола жүлдегері, екі дүркін Азия чемпионы Бекзод Абдурахмоновпен кездескен болатын.
Тартысты жекпе-жекте Сақаев 7:4 есебімен жеңіске жетті. Қазақ балуаны азулы қарсыласынан еш қорықпай, өз мансабында тұңғыш рет Азия чемпионы атанды.
Сондай-ақ бүгін 70 келідегі Санжар Досжанов алтыннан алқа тағып, 57 келідегі Рахат Қалжан қола жүлдеге қол жеткізген болатын.
Күрестен Азия чемпионаты ертең мәресіне жетеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2016699-bolat-saqaev-ozbekstandyq-olimpiada-zuldegerin-zenip-aziya-cempiony-atandy/