Шахматтан Астанада өтіп жатқан Қазақстан мен әлем құрамасы арасындағы кездесуде тағы бір сенсация тіркелді. Бибісара Асаубаева әлемнің үздік шахматшысын қатарынан екінші рет ұтқан, деп хабарлайды KAZ. NUR.KZ.
Асаубаева қытайлық шахматшы, әлемнің төрт дүркін чемпионы Хоу Ифаньды екінші рет жеңді. Бұл туралы Қазақстан шахмат федерациясының ресми парақшасы мәлімдеді.
"Бибісара Асаубаева FIDE рейтингіндегі ең мықты шахматшы Хоу Ифаньды екінші рет ұтты. Алға, Бибісара!", - деп жазылған федерацияның ресми парақшасында.
Еске сала кетейік, Бибісара бүгін таңертең де қытайлық шахматшыдан басым түскен.
Бибісара Асаубаева блиц шахматтан әлемнің екі дүркін чемпионы.
Бұл күндері Астанада шахматтан әлем чемпионы атағы үшін талас өтіп жатыр. Ресейлік Ян Непомнящий мен қытайлық Дин Лижэнь арасындағы кездесудің жетінші партиясы аяқталды.
Әзірге, Непомнящий 4:3 есебімен алда келеді.
Мақаланың түпнұсқасы: https://kaz.nur.kz/sport/other-sports/2017291-bibisara-asaubaeva-alemnin-en-myqty-saxmatsysyn-qatarynan-ekinsi-ret-zenip-ketti/
