Қазақстанның бірінші ракеткасы Франциядағы турнирдің ширек финалына шықты

Қазақстанның бірінші, әлемнің 55-ракеткасы Александр Бублик Францияда өтіп жатқан Экс-ан-Прованс челленджер турнирінің келесі кезеңіне жолдама алды, деп жазады KAZ.NUR.KZ тілшісі.

Отандық теннисші турнирдің екінші айналымында дүниежүзілік рейтингте 114-орында тұрған Финляндия өкілі Отто Виртаненмен шеберлік байқасты.

Тартысты өткен матчта Александр Бублик 6:4, 6:4 есебімен жеңіске жетіп, Экс-ан-Прованс челленджер турнирінің ширек финалына шықты.

Енді қазақстандық теннисші жартылай финалға шығу үшін франциялық Гарольд Майомен ойнайды.