Қазақстан құрамасы Азия чемпионатының алғашқы жарыс күнінде қалай өнер көрсетті

Малайзияның Нилай қаласында велотректен ерлер мен әйелдер арасында Азия чемпионаты басталды. Бəсекенің алғашқы күні Қазақстан ерлер құрамасы командалық жарыста қола жүлдеге қол жеткізді. Бұл туралы Спортты дамыту дирекциясы хабарлайды.

Жапония құрамасы чемпион атанса, күміс жүлде Қытай құрамасына бұйырды.

Жарыс жолында ел намысын Əлішер Жұмахан, Артём Захаров, Дмитрий Носков пен Рамис Дінмұхамедов қорғады. Олар 4 шақырымды 4:00.4 секундта жүріп өтті.

Айта кетейік, сары құрлық додасына биыл 30 елдің үздіктері жиналды.

Қазақстандықтар саны 14.

2018 жылы Нилайдағы осы ұлттық велодромда құрлық чемпионаты өтіп, оған 22 мемлекет өз спортшысын жіберген. 

Малайзиядағы жарыста Париж Олимпиадасы жолдама алуға мүмкіндік беретін ұпайлар үлестіріледі.

Мәтіннен қате тапсаңыз, бізге жазыңыз