Қазақстанның бірінші ракеткасы Александр Бублик Германияда өткен АТР-500 турнирінің жеңімпазы атанды. Бұл туралы KAZ.NUR.KZ хабарлайды.
Әлемнің 48-ракеткасы саналатын Бублик АТР рейтингінде 7-орында тұрған ресейлік Андрей Рублевті жеңді.
Есеп - 6:3, 3:6, 6:3.
Кездесу 1 сағат 35 минутқа созылған.
Бублик АТР турнирлерінде сегіз рет финалға шықты. Ал АТР-500 санатында қазақстандық теннисші алғаш рет жеңіске жетіп отыр.
Айта кетелік, аталған турнир жеңімпазы 500 рейтингілік ұпай, сондай-ақ 410 мың еуро көлемінде сыйақы алады.
Мақаланың түпнұсқасы: https://kaz.nur.kz/sport/other-sports/2026310-aleksandr-bublik-alemnin-7-raketkasyn-utyp-tarixi-zeniske-qol-zetkizdi/
