Уимблдон-2023: Елена Рыбакина тартысты матчта америкалық теннисшіні жеңді

Әлемнің үшінші ракеткасы Елена Рыбакина Уимблдон турнирін жеңіспен бастады. Бұл туралы KAZ.NUR.KZ хабарлайды.

Турнирдің былтырғы жеңімпазы саналатын Рыбакина әлемнің 48 ракеткасы, америкалық Шелби Роджерспен кездесті.

Алғашқы партия қазақстандық спортшы үшін қиын өтті. Ол жиі қателесіп, қарсыласының соққыларына жауап бере алмады. Осылайша, бірінші кезеңде 6:4 есебімен Шелби жеңіске жетті.

Бұл жеңіліс Еленаны қамшылай түссе керек. Қазақстандық спортшы қатарынан бес геймде жеңіске жетіп, екінші партияны 6:1 есебімен өз пайдасына шешті.

Ал шешуші үшінші партияда Рыбакина білгенінен жаңылмай, қарсыласынан 6:2 есебімен басым түсті.

Рыбакинаның 1/32 айналымдағы қарсыласы әлі анықталған жоқ.

Мәтіннен қате тапсаңыз,бізге жазыңыз