Жапонияның Фукуоки қаласында өтіп жатқан су спорты түрлерінен әлем чемпионатында Қазақстан қоржынына алғашқы медаль түсті. Бұл туралы федерацияның баспасөз қызметі хабарлады, деп жазады KAZ.NUR.KZ.
Эдуард Ким синхронды жүзуден ерлер арасындағы жекелей сында өнер көрсетіп, қола медаль жеңіп алды. Ол іріктеу кезеңінде бесінші орын алып, финалда Колумбия және Франция спортшыларын артта қалдырып, үшінші орынға табан тіреді.
Финалда қазақстандық спортшы 216 ұпай жинады. Алтын медаль иеленген испаниялық Фернандо Диас Рио Сото 224, 555 ұпай алса, екінші орындағы Кеннет Гаудет 216,800 ұпай еншіледі.
Еске сала кетейік, Эудард Ким синхронды жүзуден жасөспірімдер арасындағы әлем чемпионы. Сондай-ақ ол биыл аралас дуэт бойынша әлем кубогінің жеңімпазы атанған.
Бұл синхронды жүзуден Қазақстан тарихындағы алғашқы жүлде саналады.
Мақаланың түпнұсқасы: https://kaz.nur.kz/sport/other-sports/2028950-tarixi-zulde-otandyq-sportsy-sinxrondy-zuzuden-alem-cempionatynyn-qola-medalin-ielendi/
