Жеңілістен соң ашуланып, ракеткасын сындырған Джокович 8 мың доллар айыппұл арқалады

Сербиялық теннисші Новак Джокович матч кезінде ракеткасын сындырғаны үшін жазаланады. Бұл туралы ТАСС агенттігіне сілтеме жасаған KAZ.NUR.KZ.

Уимблдон турнирінің финалында испандық Карлос Алькарасқа қарсы ойнаған Джоковичке 8 мың АҚШ доллары көлемінде айыппұл салынды.

Аталған жағдай бесінші сетте болған. Кезекті геймде ұтылған Новак өзінің отырғышына бара жатып, ракеткасымен тордың бағанын ұрды.

Бұл төрешілер мен ұйымдастырушылар назарынан тыс қалмай, әйгілі теннисші айыппұл арқалады.

Айта кетелік, аталған кездесуде испандық Алькарас :6, 7:6 (8:6), 6:1, 3:6, 6:4 есебімен жеңіске жетті. Ал осы турнирде 34 матч бойы ұтылмаған Джовокич күмісті қанағат тұтты.

Айта кетелік, соңғы рет Джокович 2017 жылғы Уимблдон турнирінің ширек финалында жарақатына байланысты жарыстан бас тартқан еді.

Мәтіннен қате тапсаңыз, бізге жазыңыз