Отандық теннисші Мексикадағы беделді турнирдің финалдық кезеңіне жолдама алды

Қазақстандық, әлемнің 258-ракеткасы Бейбіт Жұқаев Лос-Кабос (Мексика) ATP 250 турнирінің іріктеу сайыстарын сәтті өткізді. Бұл туралы Қазақстанның теннис федерациясы хабарлайды.

Бейбіт Жұқаев алдымен 18 жастағы мексикалық Лука Лемайтрені 7:6 (11:9), 6:4 есебімен ұтты.

Ол іріктеу сайыстарының финалында америкалық Киган Смитті бір сағатқа жетпейтін уақытта оңай жеңді. Есеп: 6:3, 6:1.

Осылайша, Бейбіт Жұқаев негізгі турнирге жолдама алды.

Грекиялық Стефанос Циципас бірінші ракетка болып тіркелген Лос-Кабос жарысы 5 тамызда мәресіне жетеді.

Мәтіннен қате тапсаңыз, бізге жазыңыз