Қазақстанның бірінші ракеткасы Александр Бублик Вашингтон ATP 500 турнирінің үшінші айналымына шыға алған жоқ. Бұл туралы KAZ.NUR.KZ тілшісі хабарлайды.
Отандық теннисші турнирді екінші кезеңнен бастады. Александр Бублик үшінші айналымға жолдама беретін матчта әлемдік рейтингте 323-орында тұрған франциялық Гаэль Монфиспен шеберлік байқасты.
Кездесу 6:3, 6:4 есебімен франциялық спортшының пайдасына аяқталды.
Осылайша, Александр Бублик Вашингтон ATP 500 турнирінің үшінші айналымына шыға алмады.
Айта кетейік, бұған дейін Александр Бублик жаңартылған рейтингте әлемнің 25-ракеткасы атанған еді. Бұл оның мансабындағы ең үздік көрсеткіш.
Мақаланың түпнұсқасы: https://kaz.nur.kz/sport/other-sports/2031099-bublik-vasingtondagy-bedeldi-turnirdin-usinsi-kezenine-syga-almady/
