Загребтегі Гран-при: Ислам Бозбаев жұбаныш белдесуінде жеңіліс тапты

Дзюдодан Загребте өткен Гран-при турнирінің соңғы жарыс күнінде Қазақстан жүлдесіз қалды. Бұл туралы KAZ.NUR.KZ хабарлайды.

Бүгін ерлерден үш салмақ дәрежесінде спортшылар татамиге шықты.

Қазақстан сапынан 100 келіге дейінгі салмақта бақ сынаған Ислам Бозбаев жұбаныш белдесуіне дейін жетті.

Түркия мен Венгрия балуандарын жеңген ол ширек финалда серб спортшысына есе жіберді.

Ал жұбаныш белдесуінде австриялық балуаннан ұтылды.

Осылайша, Қазақстан командасы Загребтегі турнирді екі жүлдемен аяқтап отыр.

Мәтіннен қате тапсаңыз, бізге жазыңыз