Әлем чемпионатында белдескен екі қазақ баласының әрекеті жанкүйерлерді елжіретті (видео)

Дзюдодан Загребте өтіп жатқан кадеттер арасындағы әлем чемпионатында екі қазақ баласының белдесуі жанкүйер назарын аудартты. Бұл туралы Europeanudo арнасына сілтеме жасаған KAZ.NUR.KZ хабарлайды.

55 келіге дейінгі салмақтағы жартылай финалда екі қазақ дзюдошысы - Нұрлан Исатаев пен Оралбек Байзақ күресті.

Аталған белдесуде Нұрлан жеңіске жетіп, кейін сол салмақта чемпион атанады.

Жартылай финал белдесуінен соң Нұрлан өзінен жеңілген отандасы Оралбекті жұбатып, оған демеу көрсетеді.

Екі қазақ баласының татамидегі бұл әрекеті әлемдік дзюдо мамандарының назарын аудартты.

"Жартылай финалда командаласыңмен күрескен кезде... Дзюдо - бұл спорттан да артық", - деп жазды Еуропа дзюдо одағының ресми парақшасы.

Айта кетелік, Нұрлан Исатаев финалда грузиялық спортшыны жеңіп, дзюдодан әлем чемпионы атанды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз