Жансая Әбдімәлік тізімде жоқ: шахматтан әлем чемпионатына Қазақстанды Асаубаева бастап барады

Шахматтан Қазақстан құрамасы Польшадағы әйелдер арасындағы командалық әлем чемпионатына аттанды. Бұл туралы Спортты дамыту дирекциясы хабарлайды.

5-12 қыркүйек аралығында Польшаның Быдгощ қаласында әйелдер арасындағы тоғызыншы командалық әлем чемпионаты өтеді.

Чемпионатқа Қазақстан атынан Бибісара Асаубаева (ФИДЕ рейтингі 2439), Меруерт Камалиденова (ФИДЕ рейтингі - 2162), Ксения Балабаева (ФИДЕ рейтингі - 2111), Алуа Нұрманова (ФИДЕ рейтингі - 2170), Әсел Серікбай (ФИДЕ рейтингі - 2120) және Әмина Қайырбековадан (ФИДЕ рейтингі - 1985) жиналған мықты құрама аттанды.

Делегацияны тәжірибелі бапкерлер – Павел Коцур мен Александр Моисеенко бастап барды.

Турнирге екі топқа бөлінген алты қатысушыдан тұратын 12 команда қатысады. Қазақстан әйелдер құрамасы А пулында өнер көрсетеді. Онда Грузия, Үндістан, Франция, Украина және Мысыр шахматшылары бар.

Айта кетелік, Қазақстан командасы көшбасшыларының бірі Жансая Әбдімәлік чемпионатқа баратын құрам қатарына ілікпеді.

Мәтіннен қате тапсаңыз, бізге жазыңыз