Қазақстандық Анна Данилина аралас жұпта АҚШ ашық чемпионатының финалына шықты. Бұл туралы теннис федерациясының ресми сайты хабарлады.
Қазақстандық теннисші финляндиялық Харри Хелиоваарамен бірге жартылай финалда жапониялық Ена Шибахара – хорватиялық Мате Павичпен шеберлік байқасты.
Қазақстандық-финляндиялық жұп сағат жарымға жуық уақытқа созылған матчта 7:6 (7:2), 6:4 есебімен басым түсті.
Данилина – Хелиоваара финалда америкалықтар Джессика Пегула – Остин Крайчекпен бас жүлдені сарапқа салады.
Соңғы бәсеке 9 қыркүйекке белгіленген.
Айта кетелік, Анна Данилина "Үлкен дулыға" турнирінің финалына алғаш рет шығып отыр.
Мақаланың түпнұсқасы: https://kaz.nur.kz/sport/other-sports/2035656-qazaqstandyq-tennissi-anna-danilina-us-open-turnirinin-finalyna-syqty/
