Top.Mail.Ru
Спорт

Сайт нұсқасы

ru kz

Зектілері

Қазақстандық Анна Данилина тұңғыш рет US Open чемпионы атанды (фото, видео)

Опубликовано:

Харри Хелиоваар мен Анна Данилина
Харри Хелиоваар мен Анна Данилина. Фото: usopen.org

Қазақстандық Анна Данилина микстен алғаш рет US Open турнирінің чемпионы атанды. Бұл туралы теннис федерациясына сілтеме жасаған KAZ.NUR.KZ хабарлайды.

Анна Данилина аралас жұптық сын финалында финляндиялық Харри Хелиоваарамен бірге жарыстың бірінші ракеткасы, америкалықтар Джессика Пегула – Остин Крайчекпен бас жүлдені сарапқа салды.

Бірінші партияда брейк жасаған қазақстандық-финляндиялық жұп сол басымдықты сақтап қалды – 6:3.

Олар екінші сетті де брейкпен бастағанымен, америкалықтар таразы басын теңестірді – 2:2. Содан кейін Анна мен Харри тағы бір брейкке қол жеткізіп, матчты жеңіспен түйіндеді – 6:4.

US Open турнирінің жеңімпаздары мен жүлдегерлері
US Open турнирінің жеңімпаздары мен жүлдегерлері. Фото: usopen.org

Олар бір сағаттан астам уақытқа созылған бәсеке барысында 7 эйс жасап, 6 брейк-пойнттың тең жартысын пайдаланды.

Осылайша, Анна Данилина қазақстандық теннисшілерден алғаш рет микстен "Үлкен дулыға" турнирінің жеңімпазы атанды.

Мақаланың түпнұсқасы: https://kaz.nur.kz/sport/other-sports/2035970-qazaqstandyq-anna-danilina-tungys-ret-us-open-cempiony-atandy-foto-video/