Жағажай волейболынан Қазақстан әйелдер құрамасы Азия ойындарының топтық кезеңі аясында өткен алғашқы кездесуде жеңіске жетті. Бұл туралы Prosports.kz сайты хабарлады.
Басылым жазуынша, алғашқы кездесуде Қазақстан құрамасы (Лаура Қабылбекова, Надежда Иванченко) Оңтүстік Корея құрамасын 2:0 (21:18, 21:13) есебімен жеңген.
Отандастарымыз екінші кездесуін бүгін Астана уақытымен сағат 19:00-де Тәжікстан құрамасына қарсы өткізеді.
Айта кетейік, бұған дейін Азия ойындарына қатысатын Қазақстан құрамасының алғашқы легі Ханчжоу қаласына ұшып келгенін хабарлаған болатынбыз.
Сонымен қатар Сидней Олимпиадасының чемпионы Ольга Шишигина жазғы Азия ойындарына қатысатын спортшыларға сәттілік тілеген еді.
Мақаланың түпнұсқасы: https://kaz.nur.kz/sport/other-sports/2037419-aziya-oiyndary-zagazai-voleibolynan-qazaqstan-quramasy-algasqy-kezdesude-zeniske-zetti/
