Қазақстан құрамасы Азия ойындарының ашылу салтанатына қатысты (фото)
Опубликовано:
Қазақстан Республикасының құрамасы XIX жазғы Азия ойындарының ашылу салтанатына қатысты. Мерекелік шара Ханчжоу қаласында өтіп жатыр, деп хабарлайды KAZ.NUR.KZ тілшісі.
Қазақстан Республикасының құрамасы Азия ойындарының ашылу салтанатына қатысып, олимпиадалық орталықтың стадионында жүріп өтті. Еліміздің мемлекеттік туын боксшы Асланбек Шымбергенов пен жеңіл атлет Надежда Дубовицкая алып шықты.
Жазғы Азия ойындары 23-қыркүйек пен 8-қазан аралығында өтеді. Спорттық додаға 45 елден 15 мыңнан астам спортшы қатысады. Олар спорттың 40 түрінен 481 медаль үшін күресетін болады.
Айта кетейік, бұған дейін Ханчжоуда Азия ойындары басталғанын хабарлаған болатынбыз.
Еске сала кетейік, Азия ойындарына 500-ден астам қазақстандық спортшы қатысады.
Бұған дейін Ханчжоудағы олимпиадалық қалашықта ту көтеру рәсімі кезінде Қазақстан Республикасының мемлекеттік туы көтерілген хабарлаған болатынбыз.
Оған қоса туризм және спорт министрі Қытайдағы Азия ойындарының ашылу салтанаты қарсаңында спортшылармен кездесіп, оларға сәттілік тіледі.
- Азиада-2023: Ханчжоуда жазғы Азия ойындарының ашылу салтанаты басталды
- Туризм және спорт министрі Қытайдағы Азия ойындарының ашылу салтанаты қарсаңында спортшылармен кездесті
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2037836-qazaqstan-quramasy-aziya-oiyndarynyn-asylu-saltanatyna-qatysty-foto/