Ханчжоудағы жазғы Азия ойындарында Қазақстан құрамасы кезекті қола медальға қол жеткізді. Бұл туралы KAZ.NUR.KZ хабарлайды.
Стенд атудан "трап" бағдарламасы бойынша Мария Дмитриенко қола жүлдегер атанды.
Осылайша ол 5 жыл бұрын Индонезиядағы жазғы Азия ойындарында көрсеткен нәтижесін қайталады.
Еске салсақ, бүгін, жексенбі күні Қытайдың Ханчжоу қаласында өтіп жатқан 2022 жылғы Азия ойындарында стенд атудан Қазақстан әйелдер құрамасы қола жүлдеге ие болды.
Сондай-ақ 25 тамыз күні Әзербайжан астанасында өткен нысана көздеуден әлем чемпионатында Қазақстан қоржынына алғашқы медаль түскені туралы жазған едік.
Мақаланың түпнұсқасы: https://kaz.nur.kz/sport/other-sports/2038970-zazgy-aziya-oiyndary-mariya-dmitrienko-qola-zuldeger-boldy/
