Қазақстан әйелдер құрамасынан боксшы Карина Ибрагимова орташа салмақта қарсыласын ұтып, жартылай финалға және Парижде өтетін жазғы Олимпиада ойындарына жолдама алды. Бұл туралы Туризм және спорт министрлігі Telegram-дағы ресми арнасында хабарлады.
Министрліктің ақпаратынша, 57 келіде әлем чемпионатының 3 дүркін жүлдегері, 27 жастағы Карина Ибрагимова Азия ойындарының ширек финалында моңғолиялық боксшы Намуун Монхорды 5-0 есебімен жеңіп, бокстан жартылай финалға және Парижде өтетін жазғы Олимпиада ойындарына жолдама алды.
Министрлікте отандасымыз биыл әлем чемпионатында күміс медаль еншілегенін еске салды.
Айта кетейік, бүгін, 1 қазан күні Ханчжоудағы жазғы Азия ойындарында Қазақстан құрамасының тағы бір боксшысы жартылай финалға жолдама алғаны туралы жазған едік.
Сондай-ақ бокстан Қазақстан әйелдер құрамасында үш спортшы жарыс жолынан шығып қалған еді.
Олар - Назым Қызайбай, Валентина Хальзова және Жайна Шекербекова.
Мақаланың түпнұсқасы: https://kaz.nur.kz/sport/other-sports/2038995-karina-ibragimova-pariz-olimpiadasyna-licenziya-zenip-aldy/
