Қытайдың Ханчжоу қаласында өтіп жатқан Азия ойындарында джиу-джитсудан Мариан Урдабаева 3-орынға таласта отандасымыз Ажар Салықовадан басым түсіп, қола медальді жеңіп алды, деп хабарлайды KAZ.NUR.KZ.
Джиу-джитсудан 65 келі салмақта екі отандасымыз сынға түсті. Десе де Мариан Урдабаева бұл сайыста басым түсіп, Ажар Салықованы 7:0 есебімен ұтты.
Айта кетейік, бұл - 35 жастағы Мариан Урдабаеваның Азия ойындарындағы екінші жүлдесі. Бұған дейін ол 2014 жылы Инчхонда дзюдодан қола жүлдегер атанған еді.
Осылайша, Қазақстан құрамасының қоржынында қазірдің өзінде 71 медаль бар. Біздің спортшылар тоғыз алтын, 19 күміс және 43 қола медаль жеңіп алды.
Мақаланың түпнұсқасы: https://kaz.nur.kz/sport/other-sports/2039997-aziya-oiyndarynda-qos-qazaqstandyq-ozara-qolaga-talasty/
