Қазақстандық Андрей Голубев жұптық сында Стокгольм (Швеция) ATP 250 турнирінің чемпионы атанды, деп хабарлайды KAZ.NUR.KZ Қазақстан теннис федерациясына сілтеме жасап.
Қазақстандық теннисші украиналық Денис Молчановпен бірге финалда үндістандық Юки Бхамбри – ұлыбританиялық Джулиан Кэшпен бас жүлдені сарапқа салды.
Қазақстандық-украиналық жұп 7:6 (10:8), 6:2 есебімен жеңіске жетіп, чемпиондық атаққа ие болды.
Айта кетейік, бұған дейін тағы бір отандық теннисші Александр Бублик Антверпен (Бельгия) ATP 250 турнирінің жеңімпазы атанғанын хабарлаған едік.
Мақаланың түпнұсқасы: https://kaz.nur.kz/sport/other-sports/2042081-tennissi-andrei-golubev-sveciyadagy-atp-turnirinde-top-zardy/
